NESTOREUS Crater

NESTOREUS Crater

memoratus Martiali l. 8. Epigr. 6. ubi invectus in vanam Eucti vasorum ostentationem, hinc pocula priscis celebrata laudandi occasionem sumit,

Hôc cratere ferox commisit proelia Rhaetus

Cum Lapithis; pugna debile cernis opus.

Hi duo longaevô censentur Nestore fundi.

Pollice de Pylio trita columba nitet etc.

Fuit nempe is geminus, Graece ἀμφικύπελλον, habens duos fundos, ansas quatuor et earum singulis insidentes binas columbas, de quo pluribus agit Athen. l. 11. c. 12. et 13. Vide quoque Homer. Il. λ.